Lyrics in Cyrillic Mongolian
Далан харын нөмөртэй
Тэнэгэр уудам нутаг минь
Тахилга шүтээний улбаатай
Түмэдийн сайхан тал минь
Цэлгэр талын уянгатай
Цэнхэр хангай нутаг минь
Цэцэн мэргэдийн домогтой
Цэнгэлийн сайхан орон л минь
Алтан хаанаас өвлөсөн
Ариун дагшин Түмэд минь
Үеийн үедээ дурсах
Үлэмжийн сайхан Түмэд минь
Хар сухай нууртай
Хайрхан өлгий нутаг минь
Ариун номын мөргөлтэй
Агуйт сайхан уулс минь
Буурал түүхийн шастиртай
Бурхад ивээсэн нутаг минь
Богд эзний хишигтэй
Баялаг сайхан орон л минь
Алтан хаанаас өвлөсөн
Ариун дагшин нутаг минь
Үеийн үедээ дурсах
Үлэмжийн сайхан Түмэд минь
Алтан хаанаас өвлөсөн
Ариун дагшин Түмэд минь
Үеийн үедээ дурсах
Үлэмжийн сайхан Түмэд минь
Lyrics in Traditional Mongolian
ᠳᠠᠯᠠᠨ ᠬᠠᠷᠠ ᠶᠢᠨ ᠨᠥᠮᠥᠷᠢ ᠲᠡᠢ
ᠲᠡᠨᠢᠭᠡᠷ ᠠᠭᠤᠳᠠᠮ ᠨᠤᠲᠤᠭ ᠮᠢᠨᠢ
ᠳᠠᠬᠢᠯᠭᠠ ᠰᠢᠲᠦᠭᠡᠨ ᠦ ᠤᠯᠪᠠᠭᠠ ᠲᠠᠢ
ᠲᠦᠮᠡᠳ ᠤᠨ ᠰᠠᠢᠬᠠᠨ ᠲᠠᠯᠠ ᠮᠢᠨᠢ
ᠴᠡᠯᠡᠭᠡᠷ ᠲᠠᠯᠠ ᠶᠢᠨ ᠤᠶᠠᠩᠭᠠ ᠲᠠᠢ
ᠴᠡᠩᠬᠡᠷ ᠬᠠᠩᠭᠠᠢ ᠨᠤᠲᠤᠭ ᠮᠢᠨᠢ
ᠴᠡᠴᠡᠨ ᠮᠡᠷᠭᠡᠳ ᠦᠨ ᠳᠣᠮᠣᠭ ᠲᠠᠢ
ᠴᠡᠩᠭᠡᠯ ᠦᠨ ᠰᠠᠢᠬᠠᠨ ᠣᠷᠣᠨ ᠯᠠ ᠮᠢᠨᠢ
ᠠᠯᠲᠠᠨ ᠬᠠᠭᠠᠨ ᠠᠴᠠ ᠥᠪᠯᠡᠭᠰᠡᠨ
ᠠᠷᠢᠭᠤᠨ ᠳᠠᠭᠰᠢᠨ ᠲᠦᠮᠡᠳ ᠮᠢᠨᠢ
ᠦᠶᠡ ᠶ᠋ᠢᠨ ᠦᠶᠡ ᠳᠡᠭᠡᠨ ᠳᠤᠷᠠᠰᠬᠤ
ᠦᠯᠡᠮᠵᠢ ᠶ᠋ᠢᠨ ᠰᠠᠢᠬᠠᠨ ᠲᠦᠮᠡᠳ ᠮᠢᠨᠢ
ᠬᠠᠷᠠ ᠰᠤᠬᠠᠢ ᠨᠠᠭᠤᠷ ᠲᠠᠢ
ᠬᠠᠢᠷᠬᠠᠨ ᠥᠯᠥᠭᠡᠢ ᠨᠤᠲᠤᠭ ᠮᠢᠨᠢ
ᠠᠷᠢᠭᠤᠨ ᠨᠣᠮ ᠤᠨ ᠮᠥᠷᠭᠥᠯ ᠲᠡᠢ
ᠠᠭᠤᠢᠲᠤ ᠰᠠᠢᠬᠠᠨ ᠠᠭᠤᠯᠠᠰ ᠮᠢᠨᠢ
ᠪᠤᠭᠤᠷᠤᠯ ᠲᠡᠦᠬᠡ ᠶᠢᠨ ᠱᠠᠰᠲᠢᠷ ᠲᠠᠢ
ᠪᠤᠷᠬᠠᠳ ᠢᠪᠡᠭᠡᠭᠰᠡᠨ ᠨᠤᠲᠤᠭ ᠮᠢᠨᠢ
ᠪᠣᠭᠳᠠ ᠡᠵᠡᠨ ᠦ ᠬᠡᠰᠢᠭ ᠲᠡᠢ
ᠪᠠᠶᠠᠯᠢᠭ ᠰᠠᠢᠬᠠᠨ ᠣᠷᠣᠨ ᠯᠠ ᠮᠢᠨᠢ
ᠠᠯᠲᠠᠨ ᠬᠠᠭᠠᠨ ᠠᠴᠠ ᠥᠪᠯᠡᠭᠰᠡᠨ
ᠠᠷᠢᠭᠤᠨ ᠳᠠᠭᠰᠢᠨ ᠨᠤᠲᠤᠭ ᠮᠢᠨᠢ
ᠦᠶᠡ ᠶ᠋ᠢᠨ ᠦᠶᠡ ᠳᠡᠭᠡᠨ ᠳᠤᠷᠠᠰᠬᠤ
ᠦᠯᠡᠮᠵᠢ ᠶ᠋ᠢᠨ ᠰᠠᠢᠬᠠᠨ ᠲᠦᠮᠡᠳ ᠮᠢᠨᠢ
ᠠᠯᠲᠠᠨ ᠬᠠᠭᠠᠨ ᠠᠴᠠ ᠥᠪᠯᠡᠭᠰᠡᠨ
ᠠᠷᠢᠭᠤᠨ ᠳᠠᠭᠰᠢᠨ ᠲᠦᠮᠡᠳ ᠮᠢᠨᠢ
ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠳᠤᠷᠠᠰᠬᠤ
ᠦᠯᠡᠮᠵᠢ ᠶ᠋ᠢᠨ ᠰᠠᠢᠬᠠᠨ ᠲᠦᠮᠡᠳ ᠮᠢᠨᠢ